Një alarm për bombë ka bërë që të mbyllet për një kohë hapësira afër Rektoratit të Universitetit të Prishtinës në Kosovë, ndërsa i gjithë personeli të evakuohet.
Brenda pak minutash në vendin e ngjarjes arritën zjarrfikësit dhe njësiti anti-bombë.
Policia ka konfirmuar se kanosja e dyshimtë ka ardhur përmes postës elektronike. Një alarm i tillë u bë edhe të martën e javës së kaluar, por rezultoi të ishte i rremë.
Brenda disa ditësh në Kosovë u alarmua tri herë për bomba të rrejshme. Alarmet në Kosovë vijnë brenda një kohe të shkurtër kur alarme të ngjashme kishte edhe në Serbi dhe Mal të Zi.
Nuk ka informacione nëse këto alarme të rrejshme për bomba ndërlidhen mes vete.
