Roma dhe Feyenoord janë dy skuadrat që më 5 maj do përballen në stadiumin ‘Air Albania’ për trofeun e Ligës së Konferencave.
Teksa italianët duket tepër optimistë për këtë finale, Holandezët duket se kanë rezerva për kryeqytetin shqiptar. “Nos” i ka kushtuar një reportazh Tiranës, ku pasqyron kryeqytetin në në shumë forma, nga stadiumi, tek shitësit e çajit në rrugë e po ashtu dhe tek muzikantët me gajde në rrugë.
“Finalja e Ligës së Konferencës AS Roma-Feyenoord është në Tiranë, Shqipëri. Një vend pa klube të mëdha futbolli, pa një histori të madhe futbolli dhe gjithashtu pa stadiume të mëdha futbolli.”- e nis reportazhin e saj media holandeze.
Ndërkohë,holandezët kanë ankesa dhe për tifozerinë që shqiptarët kanë bërë historikisht për skuadrat apo dhe kombëtaren italiane të futbollit. Në një artikull të veçantë, media holandeze shpjegon këtë lidhje të veçantë të Shqipërinë me shtetin fqinj, duke nisur që nga antikiteti me Romën e lashtë e deri te eksodi masiv i shqiptarëve drejt gadishullit apenin.
