Cristiano Ronaldo ia dedikoi golin e tij të 100-të në Premier League djalit të tij i cili ndërroi jetë vetëm pak pas lindjes.
Duke ngritur krahun e majtë drejtuar nga qielli, Ronaldo ia kushtoi golin vogëlushit duke mos e festuar atë si çdo herë tjetër me shokët e e United. Cristiano shënoi në pjesën e parë në ndeshjen me Arsenal, raporton Daily Mail.
Ronaldo dhe partnerja e tij Georgina Rodriguez njoftuan pesë ditë më parë se një nga binjakët e tyre të porsalindur kishte ndërruar jetë. Sulmuesi 37-vjeçar më pas iu dha leja nga klubi për të qenë me familjen e tij pas humbjes së tyre.
Ai u la jashtë skuadrës që humbi 4-0 në Liverpool të martën, por mori pjesë në një seancë të plotë stërvitore në Carrington me shokët e skuadrës dhe ka vazhduar të stërvitet këtë javë.
