Pas Dibrës, edhe Lezha është shpallur Covid Free nga Instituti i Shëndetit Publik.
Prej 10 ditësh, në qarkun e Lezhës nuk është regjistruar asnjë rast i ri dhe për pasojë nuk ka asnjë të infektuar aktualisht, qoftë në banesë apo në spitalin Covid.
Rënia e kurbës së infektimeve në gjithë vendin, bën që së shpejti disa qarqe të konsiderohen zona të gjelbra dhe pa praninë e virusit Covid.
Sipas të dhënave të Institutit të Shëndetit Publik, në të gjithë vendin janë më shumë se 10 bashki të cilat nuk kanë regjistruar asnjë rast me koronavirus në 3 javët e fundit.
Aktualisht, raste me koronavirus ka në 10 qarqe të vendit. 56% e të infektuarve janë në Tiranë, ndërsa më pak se 1% në Kukës. Ky qark pritet që së shpejti të hyjë në listën e zonave Covid Free.
