Zyrtarët evropianë të shëndetësisë thonë se po hetojnë një shpërthim evoluues të shpejtë të salmonelës të lidhur me vezët e çokollatës Kinder Surprise.
Në një deklaratë të mërkurën, Qendra Evropiane për Parandalimin dhe Kontrollin e Sëmundjeve (ECDC) tha se produktet e çokollatës u identifikuan si rruga e mundshme e infeksionit.
Rreth 134 fëmijë, kryesisht nën moshën 10 vjeç, kanë vuajtur nga salmonela. Rasti i parë u zbulua në Britani në janar përpara Pashkëve.
Autoritetet në Mbretërinë e Bashkuar thanë se kompania italiane Ferrero kishte filluar të tërheqë nga pikat e shitjes Kinder Surprise të prodhuara në Belgjikë. Produktet janë tërhequr gjithashtu edhe në vende të tjera evropiane, duke përfshirë Belgjikën, Francën, Gjermaninë, Irlandën dhe Luksemburgun.
Ferrero ka përsëritur se asnjë produkt Kinder i lëshuar në treg deri më tani nuk ka rezultuar pozitiv me salmonelë.
Salmonela zakonisht shkakton simptoma duke përfshirë diarre, ethe dhe ngërçe në stomak dhe mund të çojë në trajtim spitalor në rastet më të rënda.
