Një antibiotik, i zbuluar nga shkencëtarët britanikë, mund të shpëtojë miliona jetë pasi arrin të eleminojë bakteret që janë rezistente ndaj ilacceve, sipas një studimi të ri.
Teixobactin u zbulua për herë të parë në vitin 2015 , por studiuesit kanë bërë ndryshime të antibiotikut dhe tani mund mund të shkatërrojë një gamë të gjerë mikrobesh te pacientët njerëzorë.
Antibiotiku gjithashtu zhduku me sukses Staphylococcus aureus rezistent ndaj meticilinës, ose MRSA, në një studim te minjtë.
Më shumë se 1.2 milionë njerëz vdiqën në vitin 2019 nga infeksionet bakteriale rezistente ndaj antibiotikëve, tha një studim i publikuar në The Lancet në janar.
Shkencëtarët thanë se testet sugjeruan që në të ardhmen, pacientët mund të trajtohen me vetëm një dozë teixobactine në ditë për infeksione bakteriale rezistente të rrezikshme për jetën.
Drejtuesit e projektit shpresojnë se testet mund të hapin rrugën që ilaçi të prodhohet me çmim të ulët në një shkallë të gjerë.
Covid mendohet gjithashtu se po përshpejton kërcënimin global të rezistencës antimikrobike, që do të thotë se zhvillimi i antibiotikëve të rinj që mund të përdoren si mjeti i fundit kur ilaçet e tjera dështojnë është thelbësor, thanë shkencëtarët.
