Shoqata e transporteve kërkon dyfishim të çmimit të biletës për transport urban, pas rritjes rekord që ka regjistruar nafta.
Në një prononcim për mediat ata thanë se është përllogaritur që çmimi i biletës të shkojë në 80 lekë, nga 40 që është aktualisht.
Gjithashtu shtuan se kushtet e situatës aktuale po i çojnë drejt falimentit.
“Operatorët nuk janë në gjendje të operojnë me 100% të kapacitetit të flotës së mjeteve. Na erdhi njoftimi dje që nafta do të jetë 220 lekë/litër në pikat e furnizimit me shumicë.
Në këtë situatë kapitullimi i transportit publik do të jetë për 3, 4 ditë maksimalisht. Më emergjente është rritja e çmimit të biletës. Çmimi është përllogaritur të shkojë në 80 lekë për biletë”, thanë ata.
