Italia u është bashkuar shteteve që kanë lehtësuar masat kundër Covidit.
Duke filluar nga data 1 mars të gjithë personat që duan të udhëtojnë drejt këtij vendi nuk do të karantinohen.
Ministri i Shëndetësisë Roberto Speranza ka vendosur që të lehtësohen masat për të gjithë udhëtarët që vijnë nga vendet jashtë Bashkimit Europian, përfshirë dhe Shqipërinë.
Sipas vendimit, mjafton vetëm pasaport COVID me dy doza të vaksinës për për të futur në territorin e Italisë. Ndërsa për personat e pavaksinuar, do të mjaftojë të paraqesin vetëm një test PCR negativ.
‘’Ministria për Evropën dhe Punët e Jashtme njofton se Italia ka vendosur që të lehtësojë masat anti-Covid për hyrje/daljet nga vendi.
Duke filluar nga data 1 mars, udhëtarët që do të shkojnë drejt Italisë nuk do të jetë e nevojshme që të karantinohen.
Të gjithë personat që duan të futen në Itali, mjafton që të kenë certifikatën e vaksinimit me dy doza.
Ndërsa për ata që nuk janë të vaksinuar, mjafton një test PCR negativ ose certifikata e rikuperimit nga Covid-19’’ njofton Ministria e Punëve të Jashtme e Shqipërisë.
