Gjërat e mira vijnë në çift. Të paktën këtë të martë po.
Sot data është 22 shkurt 2022. Kur e shkruani, 22.2.22, është një palindrom, që do të thotë se lexohet njësoj përpara dhe prapa.
Është data më e jashtëzakonshme në më shumë se një dekadë, sipas studiuesit Aziz Inan. Ai është profesor i inxhinierisë elektrike në Universitetin e Portlandit në Oregon dhe ka studiuar datat palindrome për më shumë se 14 vjet.
“Është një datë palindrome e kudogjendur sepse është njësoj kur shkruhet në formatin e muajit, ditës, vitit të Shteteve të Bashkuara dhe formatit që ndjekin shumica e vendeve të tjera”, tha Inan.
“Ndjej se këto data kanë fuqi magjike për të tërhequr vëmendjen e njerëzve, pavarësisht nga mosha”, tha ai, raporton CNN.
Hera e fundit që pati një datë të kudondodhur palindromi me gjashtë shifra ishte 11 nëntori 2011, vuri në dukje Inan dhe shkruhej 11/11/11.
Me një datë kaq të veçantë, nuk është për t’u habitur që njerëzit po mblidhen në kishën e tyre më të afërt për t’u martuar apo po zyrtarizojnë lidhjet e tyre sot, si një date simbolike çift, ku sipas astrologëve është një ditë e mbarë për dashurinë
Në SHBA, të shumtë janë ata që po shkojnë drejt e në Las Vegas, kryeqyteti i martesës në botë.
