Java e tretë e Shkurtit ka sjellë një ulje të kërkesës së qytetarëve për t’u testuar. Ndërkohë që në rënie është edhe pozitiviteti i rasteve. Nëse për Janarin, një në tre të testuar dilte i infektuar, pasi ishte dhe piku i valës së Omicron, aktualisht është 1 në 10.
“Duke marrë parasysh numrin e testimeve në terren e qendra shëndetësore ka rënë ndjeshëm. Gjithashtu ka rënë edhe pozitiviteti I testeve të kryera. Ditët e fundit vihet re një rritje e tij në moshën mbi 60 vje135” , thonë mjekët.
Rritjen e infektimeve në moshën e tretë epidemiologia e lidh me rënien e nivelit të antitrupave të fituara nga vaksinimi, pasi për këtë grupmoshë kanë kaluar mbi 6 muaj nga kryerja e dozës së dytë. Ndaj ajo bënë apel për kryerjen e dozës së rikujtesës.
“Vaksinimi mbron jetë sepse nëpërmjet tij shohim si ka mbrojtur për rastet e rënda në shtrim në spital, ashtu edhe në ato të fatalitetit”, thonë mjekët.
Sipas të dhënave të Ministrisë së Shëndetësisë në vendin tonë që nga fillimi i procesit të vaksinimit, 1,184 mijë qytetarë i kanë kryer të dyja dozat, ndërsa mbi 225 mijë kanë marrë dhe dozën e tretë.
