Mbrëmë në shtëpinë e BBV është festuar Pavarësia e Kosovës – dhe sigurisht që katër finalistët pavarësisht dashurisë ndaj vëllezërve të Kosovës, tentuan që dhe njëherë për herë të fundit të merrnin sa më shumë “vota”.
Kësaj radhe fati ishte me Donaldin, të cilit produksioni i realizoi një tjetër dëshirë duke i lënë të drejtën të pikturonte heroin legjendar të Kosovës, Adem Jasharin. Në këtë pikë të lojës, fansat e tre finalistëve të tjerë e kanë parë këtë si favorizim nga ana e produksionit për Donaldin, pasi dihet që populli kosovar është shumë i ndjeshëm në këtë tematikë.
Por përveç kësaj, në rrjet po aludohet për një tjetër teori, atë që Donaldi nuk e ka bërë vetë pikturën. Kjo pasi pasditë bëri një tjetër pikture dhe ajo e përfunduara ishtë komplet tjetër. Disa fansa komentojnë po ashtu se e kanë parë duke e realizuar live, e ndërsa të tjerë aludojnë se thjesht ka ndjekur skicimin dhe i ka hedhur pluhrin.
Ndjekës të zjarrtë të BBV, shkruajnë po ashtu se pavarësisht se ai mundohet ta shijojë artin e pikturës, aftësitë e tij nuk janë të perfeksionuara në këtë drejtim pasi kjo u vërejt edhe në pikturën e Ismail Qemalit apo në skulpturën që bënë në akull me syrin e BBV.
Përflitet se Donaldi e përfundoi punën e tij por jo siç duhet dhe për këtë arsye e kanë ndërruar. Madje kanë krahasuar dhe këto foto si për të treguar se kjo teori është e vërtetë. Gjithsesi e gjitha kjo ngelet në kuadrin e një thashethemi.
