Kanë nisur përgatitjet për 14-vjetorin e shpallje së Pavarësisë së Kosovës, ku tashmë në sheshet kryesore në kryeqytet ka filluar vendosja e flamujve. Ndërsa monumenti i “Newborn” edhe këtë vit do të marrë pamje ndryshe. Këtë radhë ky monument dedikohet gruas. Këtë e ka bërë të ditur Fisnik Ismaili në një postim në Facebook.
“I kushtohet çikave tona në sport, në muzikë, në film, e në çdo fushë që po na e zbardhin fytyrën, por mbi të gjitha, i kushtohet grave, që hala sot abuzohen e vriten në shtëpi të tyre, para familjeve të tyre. “Gratë me Krahë”, është tema sivjet, ku monumenti Newborn, bashkë me ju, për t’ju dhënë grave krahë”, ka shkruar Ismaili.
