Kënga e sapopublikuar e Semi Jaupaj sapo trazoi sërish ujërat në trekëndëshin Bora-Donald-Beatrix. Dhe kjo për faktin se, teksti i këngës me titull “Mos u kthe” duket se i përshtatet më së miri historisë së dashurisë së çiftit më të komentuar të momentit në showbizzin shqiptar.
Edhe pse mes Bora Zemanit dhe Donald Veshajt gjërat kishin ndryshuar para se ky i fundit të bëhej pjesë e banorëve të shtëpisë së Big Brother Vip, futja e moderatores në njërën nga netët prime të spektaklit, ngjalli mjaft polemika. Dhe shkak për këtë u bë puthja që Donaldi i dha Borës.
Por situata brenda shtëpisë së Big Brother Vip ndryshoi pas romancës së lindur mes Donaldit dhe Beatrix Ramosaj, gjë që shkaktoi jo pak reagime brenda shtëpisë, dhe jashtë saj, të Semi Jaupajt, e cila është shoqe e Bora Zemanit.
Dhe ndoshta pikërisht nga kjo histori ka marrë shkas edhe Semi në këngën e saj më të fundit, që po kështu do të ngjallë reagime dhe komente tek publiku.
