Kushdo që bën pazar, e di që krahas mallit në tezga, ka edhe mall të dorës së dytë, që qëndron në tokë.
E ndërkohë që çmimet rriten, disa madje duke arritur nivele historike, si karburanti, shumë njerëz, veçanërisht pensionistët, blejnë kryesisht nga arkat në tokë.
“Këto në tokë janë për ne. Ato sipër nuk i përballojmë dot. Madje më duken shtrenjtë edhe këto. Mishin e shoh me dylbi. Ça mund të blejmë ne, kur pensionet tona bashkë janë 340 mijë lekë të vjetra. Herën e fundit pensioni u rrit me 4000 lekë të vjetra, sa 4 bukë”, thotë një qytetar.
“Tregu dhe dyqanet janë bërë: Shih me sy e plas me zemër”, thotë një tjetër.
“Po blejmë gjithnjë e më pak”, thotë një tjetër qytetar.
