Konsumimi i paracetamolëve nga njerëzit me presion të lartë të gjakut mund të rrisë rrezikun e sulmeve në zemër dhe goditjeve në tru.
Sipas një studimi të bërë nga studiuesit e Universitetit të Edinburgut mjekët duhet të mendojnë për rreziqet dhe përfitimet e pacientëve që e marrin vazhdimisht për shumë muaj. Ata theksuan që marrja e qetësuesve për dhimbje koke dhe ethe do të ishte më e sigurt.
Ndërkohë ekspertë të tjerë thonë se nevojiten kërkime në më shumë njerëz për një periudhë më të gjatë kohore për të konfirmuar gjetjet.
Paracetamoli përdoret gjerësisht në mbarë botën si ilaç për dhimbjet, por edhe për dhimbjet kronike, pavarësisht nga dëshmitë e pakta të përfitimit prej tij nga përdorimi afatgjatë.
Studimi gjurmoi 110 vullnetarë, dy të tretat e të cilëve merrnin ilaçe për presionin e lartë të gjakut ose hipertensionin.
Në një provë të rastësishme, atyre iu kërkua të merrnin 1 g paracetamol katër herë në ditë për dy javë, një dozë e zakonshme për pacientët me dhimbje kronike, dhe më pas pilula bedel, ose placebo, për dy javë të tjera.
Prova tregoi se paracetamoli rrit presionin e gjakut, “një nga faktorët më të rëndësishëm të rrezikut për sulmet në zemër dhe goditjet në tru”, tha një nga studiuesit e Edinburgut Prof James Dear.
Studiuesit këshillojnë mjekët që te pacientët me dhimbje kronike te jepet një dozë sa më të ulët e paracetamolit dhe të jenë më të kujdesshmëm me ata me presion të lartë të gjakut dhe në rrezik të sëmundjeve të zemrës.
Ekipi i Edinburgut tha se ata nuk mund të shpjegonin se si paracetamoli do të rriste presionin e gjakut, por gjetjet e tyre duhet të çojnë në rishikimin e recetave afatgjata të paracetamolit.
