Organizata Botërore e Shëndetësisë (OBSH) ka njoftuar se gjysmë milioni vdekje janë raportuar për shkak të komplikimeve të COVID-19 pas zbulimit të variantit Omicron.
“Ndërsa të gjithë thonë se Omicron është më i dobët si virus, fakti që gjysmë milioni njerëz kanë vdekur që kur u zbulua ky variant po anashkalohet,” tha Abdi Mahamoud, doktor i parandalimit dhe trajtimit të sëmundjeve të OBSH-së.
Ai tha se në një kohë që vaksinat janë në dispozicion dhe vdekjet janë kaq të larta është tragjike.
“Në një epokë të vaksinave efektive, gjysmë milioni njerëz kanë vdekur, është me të vërtetë diçka… Është më se tragjike”, shtoi ai.
Sipas Mahamoud, 130 milionë infeksione dhe 500,000 vdekje janë raportuar në mbarë botën që kur Omicron u zbulua në fund të nëntorit 2021.
 ka njoftuar se gjysmë milioni vdekje janë raportuar për shkak të komplikimeve të COVID-19 pas zbulimit të variantit Omicron.){kind=link}