Tre persona të paralizuar kanë nisur të ecin. Mjekët i kanë plantuar elektroda në palcën kurrizore. Lajmi bëhet i ditur nga revista shkencore Nature Medicine dhe arritja e jashtëzakonshme është rezultat i punës kërkimore të Politeknikut të Losanës dhe Shkollës së Lartë Sant Anna në Itali.
Teknika inovative përbëhet nga një sistem elektrodash të buta të implantuara në palcën kurrizore që i dërgojnë stimuj elektrike muskujve të këmbëve dhe trungut të trupit përmes një kompjuteri. Është dashur vetëm një ditë prova dhe 3 vullnetarët kanë mundur të ngrihen në këmbë e të ecin duke arritur të kontrollojnë lëvizje komplekse, madje edhe të notojnë apo pedalojnë jashtë laboratorit.
Grupi i shkencëtarëve thonë se është një hap i jashtëzakonshëm për shkencën dhe sipas tyre brenda disa muajve pacientët mund të jenë në gjendje të ecin edhe për rreth një kilometër.
