Policia Rrugore e Elbasanit së bashku me Task-Forcën e Tiranës kanë ngritur një pikë kontrolli në aksin rrugor Elbasan-Metalurgji.
Mësohet se një makinë u parkua anës rrugës, ndërkohë te pjesa e fenelinave u vendosën kamera, radar dhe pajisje që identifikojnë automjetet me probleme.
Makina arrin që të identifikojë probleme të tilla nëse një automjet është debitor ndaj gjobave, makina që kërkohen nga policia që mund të jenë përdorur në ngjarje të ndryshme penale, dhe makina që nuk i ka ndalur patrullave të policisë.
Kjo makinë ndenji për rreth një orë në këtë vend dhe u gjobitën shumë drejtues mjetesh, por kishte dhe nga ata që u shoqëruan në komisariat.
