Suedia ka njoftuar heqjen e kufizimeve të vendosura nga autoritetet për të frenuar Covid-19.
Kryeministrja suedeze, Magdalena Andersson, në një deklaratë për mediat ka thënë se pandemia është nën kontroll dhe se virusi nuk ka dëmtuar shërbimet shëndetësore publike, teksa thekson se situata është e qëndrueshme në repartet e terapisë intensive të spitaleve.
Danimarka ishte shteti i parë në Europë që vendosi të heqë masat kufizuese për Covid.
“Askush nuk mund ta dijë se çfarë do të ndodhë dhjetorin e ardhshëm. Por ne u premtuam qytetarëve të Danimarkës se do të kemi kufizime vetëm nëse ato janë vërtet të nevojshme dhe ne do t’i heqim ato sa më shpejt që të mundemi,” tha për CNN Ministri danez i Shëndetësisë Magnus Heunicke.
Në një deklaratë për mediat së fundmi, drejtori i Përgjithshëm i OBSH, Tedros Adhanom ka deklaruar se është një hap i nxituar që shtetet po eliminojnë shtrëngimet anti-Covid dhe po shpallin fitoren ndaj koronavirusit.
