Ju mund të shpenzoni shumë para për hidratues të shtrenjtë dhe të ndiqni rreptësisht një rutinë të kujdesit të lëkurës, por ka disa veprime ditore në dukje të pafajshme që në fakt mund të bëjnë që të gjitha përpjekjet tuaja të shkojnë dëm.
Disa nga këto zakone të përditshme që mund t’ju pengojnë të arrini një pamje të butë dhe rinore janë më poshtë.
1. Pini shumë kafe
Shumë prej nesh nuk mund ta imagjinojnë një ditë pa një filxhan kafe të nxehtë, por kjo mund ta bëjë lëkurën tuaj të duket më e vjetër. Kafeja është një diuretik, ajo dehidraton pak trupin tuaj, gjë që ndikon në lëkurë duke e bërë të duket e thatë dhe e rrudhur. Përpiquni të konsumoni sa më pak kafeinë se zakonisht.
2. I fërkoni sytë shpesh
Fërkimi i syve mund t’ju lehtësojë përkohësisht pasi keni kaluar orë të tëra duke punuar, por ky zakon mund t’i bëjë sytë të kuqërremtë dhe të thajë lëkurën përreth.
Lëkura poshtë syve është shumë e hollë dhe delikate, e prandaj fërkimi i saj mund të dëmtojë enët e gjakut nën sipërfaqe duke shkaktuar rrathë të errët.
3. Flini me bark
Të gjithë kemi pozicionet tona të preferuara të gjumit që na ndihmojnë të flemë më shpejt, por disa prej tyre mund të kontribuojnë në krijimin e rrudhave. Kur flini me bark, fytyra juaj shtyhet lart kundër jastëkut, duke bërë që lëkura të formojë rrudha vertikale. Dhe duke qenë se kjo ndodh çdo natë, këto rrudha përforcohen në mënyrë të përsëritur dhe mund të bëhen të përhershme.
4. Nuk përdorni krem kundër diellit
Edhe pse shumë produkte kozmetike përmbajnë SPF, ato nuk mund të zëvendësojnë një krem ??mbrojtës me cilësi të mirë. Rrezet e dëmshme UV janë përgjegjëse për 80% të shenjave të plakjes së lëkurës, duke përfshirë rrudhat dhe hiperpigmentimin. Përdorimi i kremit diellor çdo ditë është vërtetuar se ngadalëson në mënyrë efektive procesin e plakjes së lëkurës dhe e mban fytyrën pa rrudha për më gjatë.
5. Përdorni sapunë
Sapuni mund të jetë shumë i ashpër për lëkurën tuaj. Ato shpesh përmbajnë përbërës që prishin nivelet e pH në lëkurë, duke e bërë atë të humbasë vajrat natyrale dhe të duket e thatë dhe e rrudhur. Në vend të përdorimit të sapunit, zgjidhni një pastrues me përbërës të butë të krijuar posaçërisht për llojin tuaj të lëkurës.
6. Lëpini buzët
Lëpirja e buzëve mund të ndihet përkohësisht qetësuese, por në planin afatgjatë bën që lëkura delikate e buzëve të plasaritet dhe dehidratohet. Pështyma përmban enzima që në fakt mund të thajnë buzët. Për ta ndihmuar veten të hiqni dorë nga ky zakon mbani gjithmonë balsamin tuaj të preferuar të buzëve në çantë ose pranë shtratit.
