Qeveritë në të gjithë Evropën kanë shprehur synimet e tyre për të lehtësuar kufizimet në lidhje me COVID-19, por mundësia e një vale tjetër të virusit po ngjall shqetësim.
Nënvarianti i Omicron BA.2, i cili po emërtohet me emrin “Stealth Omicron”, duket se po përhapet në disa pjesë të botës, duke përfshirë Danimarkën dhe Mbretërinë e Bashkuar.
Pse është quajtur “Stealth Omicron”?
Duke pasur parasysh shpejtësinë me të cilën po përhapet në krahasim me nënvariantet e tjera të Omicron, ky variant po ngjall frikë tek shkencëtarët.
Agjencia e Sigurisë Shëndetësore së Mbretërisë së Bashkuar e përcaktoi ditën e sotme BA.2 si një variant nën hetim, ndërsa theksoi se do të bëhen analiza të mëtejshme.
Dr.Meera Chand, Drejtoresha e Incidentit e UKHSA tha “Është natyra e viruseve që evoluojnë dhe ndryshojnë, kështu që duhet të pritet të shohim variante të reja të shfaqen ndërsa pandemia vazhdon.
Deri tani janë janë identifikuar 53 raste të nënvariantit BA.2 të Omicron në Mbretërinë e Bashkuar.
Omicron, i cili gjithashtu quhet B.1.1.529, ka tre nënvariante kryesore, BA.1, BA.2 dhe BA.3, sipas Organizatës Botërore të Shëndetësisë (OBSH).
Deri më tani, ka qenë BA.1 që ka dominuar sipas OBSH që ka vlerësuar se përbën pjesën më të madhe të të gjitha rasteve të Omicron.
Megjithatë, në disa vende, BA.2 ka filluar të përhapet më shpejt.
Në Danimarkë, tani përbën pothuajse gjysmën e të gjitha rasteve të Omicron. Vende të tjera si MB, Norvegjia dhe Suedia po përjetojnë gjithashtu një rritje të rasteve BA.2, edhe pse jo në të njëjtën masë.
