Moti i keq ka kapluar sot mbarë territorin e vendit shqiptar. Reshjet e borës kanë nisur prej mesditës në jug dhe veri të vendit, ndërsa temperaturat gjatë ditëve në vijim pritet të arrijnë deri në -17 gradë celsius. Një sektor i prekur është edhe futbolli, teksa janë anuluar disa takime nga Kategoria e Parë.
Korabi-Tomori dhe Pogradeci-Butrinti janë dy sfidat e Kategorisë së Parë, të cilat janë shtyrë për një datë të pacaktuar.
Siç shikohet dhe në foto kushtet për të luajtur janë zero. Dëbora po mundohet të pastrohet nga fusha, por asgjë nuk mund bëhet për sfidat e nesërme. Gjatë ditëve në vijim pritet dhe një njoftim se kur këto sfida do të luhen.
