Sapo njerëzit nisin të ndjejnë simptoma si kolla, temperatura apo probleme të lehta me frymëmarrjen, menjëherë drejtohen pranë laboratorëve të analizave mjekësore për të zbuluar nëse kanë të bëjnë me virusin e kovidit apo është grip.
Por, për pyetjen nëse duhet të kryejmë gjithmonë tamponin e shpejtë, apo një test PCR?
Mjeku infeksionist Stroni shpjegon kështu:
“Ekziston një keqkuptim te njerëzit mes analizës PCR në gjak, që e thënë ndryshe është Proteina C Reaktive dhe Polimeraz Chain Reaction, që është një veprim që bëhet për të treguar dhe dedektuar virusin. Pra nëse flasim për PCR në gjak atëherë kemi të bëjmë me një tregues të inflamacionit te trupi i njeriut, që mund të gjendet edhe nëse personi është duke luftuar me një virus tjetër, ose me një infeksion urinar. Inflamacioni ka disa elemente dhe Proteina C Reaktive është vetëm një tregues i trupit mbi inflamacionin.
E krejt e kundërta është i quajturi Real Time PCR, veprimi laboratorik që bëhet për gjetjen e virusit. Njerëzit duhet të bëjnë dallimin mes tamponit të shpejtë dhe tamponit Polimeraz Chain Reaction, i cili bëhet në kohë reale në laborator. Tamponi i shpejtë shpesh herë mund të nxjerrë një rezultat fals dhe të gabuar, prandaj ai që këshillohet është tamponi Polimeraz Chain Reaction”, shpjegon mjeku Stroni.
