Një dhomë me mure bardhë e blu, në një hapësirë pesë metra me pesë, e quajtur dhoma e lamtumirës. Një sallë e vjetër operacioni e shndërruar në një vend për të lejuar të afërmit e të sëmurëve me Covid-19 t’u japin lamtumirën e fundit të dashurve të tyre.
Në dhomën e lamtumirës qëndrojnë pacientët me Covid-19, në ditët apo orët e fundit të jetës. Kjo dhomë është ngritur në spitalin San Martino në Xhenova.
“Masat për sigurinë ndaj Covid-19 do të vazhdojnë të ruhen, por ne si repart kemi vendosur të bëjmë të pamundurën, sepse në rastet kur situata bëhet kritike, askush nuk duhet të vdesë në vetmi”, thonë mjekët në reanimacionin e Poliklinikës.
