Në emisionin “Rudina” u diskutua pikërisht për gatimin dhe veçanërisht në disa përbërës specifik që nuk duhet të mungojnë kurrsesi në menunë tonë gjatë stinës së dimrit. Këto përbërës mund të jenë të kombinueshëm së bashku, ose mund të realizohen gatime dhe me vetëm njërin prej tyre shumë të shijshme.
Se cilët janë këto produkte ose 5 perime dhe si mund t’i kombinojmë ne menunë tonë gjatë kësaj stine, blogerja e ushqimit, Mirela Andoni ka treguar më shumë detaje.
Mirela Andoni: Sot kam zgjedhur që të sjell nga shporta e dimrit 5 perime. Le të themi 6 se lulelakër dhe brokoli i kam vendosur bashkë duke qenë se ngjasojnë edhe nga forma. Është lulelakër, presh, spinaq, panxhar i kuq, karotë dhe lakër. Kam zgjedhur lakrën e kuqe. Unë mendoj se këto janë perime që nuk duhet të mungojnë në tryezën e dimrit me këtë shportë që ka kushtuar vetëm 480 lekë. Mund të gatuajmë receta shumë të mira dhe të blesh produkte të stinës kushton më pak, janë më të mira, mbështesim fermerët dhe biznesin vendas, të cilët i kultivojnë dhe i sjellin në dyqanet dhe në tregjet tona dhe mendoj që vetë natyra e ka bërë sistemin e tillë që ne t’i përdorim benefitet, vlerat e tyre ushqimore për të përballuar të ftohtin, dimrin, virozat. Vetë natyra është një rregulluese shumë e mirë e vetë Tokës, njerëzve dhe vetë ushqimit.
