Ish-kandidati i AAK-së për asamblenë komunale në Deçan, Musa Lekaj, ka bërë me dije se është thirrur që të intervistohet në Hagë, për ngjarjet e luftës në Kosovë.
E pazakonta në rastin e Lekaj është se ai ka qenë vetëm 6 muajsh në vitin 1998.
Lajmin e ka bërë publik vetë ish-kandidati i AAK përmes një postimi në rrjete sociale, ku shpreh çudinë në lidhje me këtë vendim të pazakontë të gjykatës.
“Çuditërisht dje kam marrë ftesë nga Zyra e Prokurorit të Specializuar në Hage që të intervistohem me datën 18.01.2022, ani pse në kohen kur filloi lufta ne muajin Mars 1998 unë kam qene vetëm 6 muajsh!!”
Me sa duket ka bërë krim ndaj serbëve apo bashkëpunëtorëve të tyre, duke i bezdisur me të qara si një fëmijë gjashtë muajsh që ka qenë në atë kohë”, thotë ai.
