Magawa, miu i famshëm i minave, i cili u nderua me një medalje ari për heroizmin e tij, vdiq në moshën 8-vjeçare. I trajnuar për të zbuluar një përbërje kimike brenda eksplozivëve, Magawa spastroi më shumë se 141,000 metra katrorë, pra sa 20 fusha futbolli. Në një karrierë pesëvjeçare, brejtësi nuhati mbi 100 mina tokësore dhe eksplozivë të tjerë në Kamboxhia. I rritur në Tanzani, Magawa iu nënshtrua një viti trajnimi përpara se të transferohej në Kamboxhia për të filluar karrierën e tij të nuhatjes së bombave.
Magawa ishte miu më i suksesshëm i trajnuar nga shoqata bamirëse belge, për të paralajmëruar punonjësit njerëzorë për minat, në mënyrë që t’i hiqnin ato në mënyrë të sigurt.
Organizata bamirëse tha se miu gjigant afrikan “u nda nga jeta në mënyrë paqësore” në fundjavë. Ai tha se Magawa ishte në gjendje të mirë shëndetësore dhe kaloi pjesën më të madhe të javës së kaluar duke luajtur me entuziazmin e tij të zakonshëm. /Burimi BBC/
