Shefi i trafikut urban në Tiranë, Taulant Gjoka, i ftuar në një lidhje skype me emisionin “Breaking” në Top News ka treguar skemën e lehtësimit të trafikut në kryeqytet.
Gjoka tha se Bashkia e Tiranës ka vendosur ndalimin e qarkullimit të betoniereve, pasi sipas tij shkaktonin rëndim të trafikut.
“Do shohim si do ecim në vijim, jemi në kontakt të vazhdueshëm me Bashkinë e Tiranës, për të lehtësuar trafikun si dhe për të lejuar të vazhdojnë punimet e objekteve të ndryshme në kryeqytet.
Është ndjerë një farë lehtësimi në Tiranë. Nuk mund të them një hartë të saktë të shpërndarjes së kantiereve të ndërtimit, por mund të them se Tirana ishte e mbipopulluar nga mjetet e tonazhit të rëndë.
Unaza, zonat ku ka shkolla etj, ishin zonat që ndjenin më shumë trafikun ,” tha Gjoka.
