Amerika është shtëpia e tre familjeve më të pasura të botës.
Familjet Walton, Mars dhe Koch kanë kryesuar listën e klaneve më të pasura në botë, sipas një raporti të muajit shtatorit nga Bloomberg.
Janë në këtë pozicion prej disa vitesh tashmë. Megjithatë pasuria e Walton si familje, nuk e kalon atë të Elon Musk me 290.3 miliardë dollarë dhe Koch e Mars nuk e tejkalojnë pasurinë e njeriut më të pasur Jeff Bezos me 205.4 miliardë dollarë.
Familja Walton
Kompania: Walmart
Pasuria: 238.2 miliardë dollarë
Numri i brezave: Tre
Vendndodhja: Bentonville, Arkansas
Sam Walton hapi Walmart-in e parë në Bentonville, Arkansas, në vitin 1962, sipas faqes së internetit të kompanisë. Tani, Walmart është shitësi më i madh me pakicë në botë.
Familja Mars
Kompania: Mars, Inc.
Pasuria: 141.9 miliardë dollarë
Numri i brezave: Pesë
Vendndodhja: McLean, Virginia
Kompania e ëmbëlsirave Mars u themelua nga Frank Mars më shumë se 100 vjet më parë. Pavarësisht ëmbëlsirave të njohura nga Marsi – si Snickers, M&Ms, Twix dhe Dove – FOX Business raportoi më parë se më shumë se gjysma e të ardhurave të kompanisë vijnë nga produktet e kujdesit për kafshët shtëpiake.
Familja Koch
Kompania: Koch Industries
Pasuria: 124.4 miliardë dollarë
Numri i brezave: Tre
Vendndodhja: Wichita, Kansas
FOX Business raportoi më parë se pasuria e familjes Koch nisi të grumbullohet me firmën e naftës të Fred Koch dhe u nda midis katër djemve të tij. Charles dhe David Koch ishin dy djemtë që qëndruan në biznes, dy të tjerët u larguan. Charles Koch shërben si kryetar i bordit dhe CEO. David Koch, i cili gjithashtu mbajti një pozicion drejtues deri në vitin 2018, vdiq në gusht të 2019-ës.
