Këngëtarja shqiptare me famë ndërkombëtare, Dua Lipa, në Qershor të këtij viti u bë zyrtarisht fytyra më e re e ‘Versace’. Teksa vazhdon të jetë një bashkëpunëtore e njërës prej markave më të famshme, ajo nuk heziton qe herë pas here t’i promovojë veshjet e tyre.
Këtë gjë e bëri edhe së fundmi, ndërsa riktheu gjithë vëmendjen me paraqitjet atraktive. Krijuesja e hitit “Levitating” ka mahnitur në veshjen e ngushtë njëherësh në ngjyrat e kombinuara, blu, jeshile e rozë.
Krahas dukjes e pozave tërheqëse, Lipa mbante në dorë edhe një çantë ‘Versace’ blu. Dua ka qenë kryetemë në tabloidet ndërkombëtare gjatë këtyre ditëve për shkak të ndarjes me modelin amerikan, Anwar Hadid.
