Kush ishte njeriu më i pasur që ka jetuar ndonjëherë dhe si ishte jeta e tij?

Elon Musk dhe Jeff Bezos konkurrojnë vazhdimisht për titullin “Personi më i pasur në botë”. Megjithatë, nëse kërkojmë pak, pasuria e Musk dhe Bezos mund të duket e pakët në krahasim me atë të njeriut më të pasur të të gjitha kohërave, një Mbret Afrikan i quajtur Mansa Musa.

Kush është Mansa Musa? Zbulojeni më poshtë

Mansa Musa ka qenë sundues i Perandorisë Mali në Afrikën Perëndimore.
I lindur në vitin 1280, Musa mori titullin “Mansa” që do të thotë “sulltan” ose “perandor” pasi mori fronin në 1312. Mbretëria e Malit nën drejtimin e tij ishte një nga perandoritë më të mëdha në Afrikën Perëndimore dhe gjuha e ligjet e saj ndikuan në kulturën aktuale brenda rajonit.

Pasuritë e Mansa Musa-s vinin nga burimet natyrore të rajonit, ari dhe kripa në të cilat sundimtari i mbretërisë kishte akses të pakufizuar. Në territorin e Mansa Musa-s ndodheshin edhe tregje për mallra të tjera, kështu që ai fitoi pasuri edhe nga ato biznese.

Pasuria e tij neto vlerësohet në 400 miliardë dollarë

Pasuria e Bezos dhe Musk deri më tani ka arritur në 200 e pak miliardë dollarë. Ata janë ende rreth qindra miliarda mbrapa shifrës së llogaritur nga ekspertët për pasurinë e Mansa Musa-s, 400 miliardë dollarë. Mansa Musa ishte gjithashtu shumë filantropist.

Sipas rrëfimeve historike, Mansa Musa u jepte ar njerëzve të varfër që takonte gjatë udhëtimeve të tij, dhe gjithashtu e shkëmbente arin për suvenire kur kalonte nëpër Kajro dhe Medinë.