Një ekip shkencëtarësh japonezë kanë krijuar një maskë që shkëlqen nën dritën ultravjollcë dhe zbulon gjurmë të virusit COVID-19 nëse përdoruesi është i infektuar.
Maskat kanë në përmbajtje një filtër brenda shtresave. Kur hiqet dhe spërkatet me bojë fluoreshente që përmban antitrupa, filtri shkëlqen kur vendoset nën dritën UV nëse ka gjurmë të virusit COVID-19.
Studiuesit thanë që janë kryer eksperimente me 32 njerëz të infektuar me COVID-19 gjatë një afati kohor 10-ditor dhe zbuluan se maskat e përdorura shkëlqenin dhe tregonin gjurmë të virusit COVID-19.
Ata thanë se shkëlqimi u zbeh me kalimin e kohës ndërsa pacientët u shëruan dhe ngarkesa e tyre virale u ul.
Synimi i studiuesve japonezë është që maska të provohet në 150 individë dhe të marrin aprovimin e qeverisë japoneze për shitjen e këtyre maskave në vitin 2022.
