Vaksinimi i grave shtatzëna ndaj Covid-19 mbetet ende sfidë. Frika për pasojat që mund të sjellë tek nëna, por edhe fëmija, stepin këtë target grup që të imunizohet nga Covid-19.
Këtë fakt e pranojnë edhe vetë mjekët gjinekologë, të cilët përballen çdo ditë me fenomenin.
Shqetësues mbetet fakti se shumë nëna me Covid, pas rëndimit të gjendjes së tyre, kanë ndërprere shtatzënitë.
E duket se pikëpyetjet kanë ndikuar negativisht edhe në planifikimet për të sjellë në jetë fëmijë.
Referuar statistikave, viti 2021 ka ulur numrin e lindjeve.
Një përqindje shumë e vogël e grave shtatzëna janë imunizuar në rang vendi, ndërkohë që mjekët thonë se përpara se të marrin dozat e vaksinës duhet të konsultohen me mjekun gjinekolog.
