Asnjë rast i infektuar me variantin Omicron nuk është konfirmuar deri më tani në Shqipëri.
Por, prania e këtij mutacioni në shumë vende të Europës, për ekspertët e Institutit të Shendetit Publik e bën të pandalshëm mbërritjen e tij edhe në vendin tonë.
Sinjalet për Omicron në vendin tonë kanë bërë që Instituti i Shëndetit Publik t’iu drejtohet laboratorëve të referencës.
Që prej muajit Maj në Shqipëri, ashtu si edhe në mbarë Europën, varianti Delta ka dominuar në infektime. Sa i takon Omicron ende nuk ka të dhëna të mjaftueshme mbi agresivitetin e tij, veç faktit që ai përhapet më shumë se Delta.
