Organizata Botërore e Shëndetësisë thotë se vaksinimi në nivele të ulëta dhe infektimet e reja mund të krijojnë variante të tjera të Covid-19. Drejtori i përgjithshëm i Agjencisë së OKB-së Tedros Adhanom foli në një konferencë shtypi për variantin e ri Omicrom dhe mundësinë e një mbylljeje për festat e fund vitit.
OBSH shprehet se duhet të jemi të duruar për të mësuar më shumë për këtë variant. Ndërkohë vendet evropiane në bazë të situatës epidemiologjike po shtojnë masat e kontrollit.
Tashmë po vërehet nëse transmetueshmëria e variantit të ri të Covid-19 është më e lartë. Por për momentin të dhënat e para sugjerojnë se shumica e infeksioneve të lidhura me variantin e ri të Covid janë “të buta”. Për më tepër, nuk ka asnjë provë që sugjeron se efikasiteti i vaksinave është zvogëluar nga ky mutacion, shkruan Ansa.
Sekretari i përgjithshëm i OKB-së Antonio Guterres tha se kufizimet në udhëtime janë të padrejta dhe joefektive.
