Varianti i ri i Covid-19 B.1.1.529 po shqetëson sërish botën. Mutacioni i ri evidentuar gjerësisht në Afrikën e Jugut. BE-ja propozoi ndalimin e fluturimeve, ndërsa shumë vende kanë mbyllur kufirin me Afrikën e Jugut. Doktor Drilon Çupi shkruan në Facebook-un e tij se është ende herët për të përcaktuar se sa i rrezikshëm është ky variant i ri dhe se do të duhen ende studime.
“Varianti i ri në krahasim me virusin bazë të dalë nga Wuhan ka rreth 32 ndryshime aminoacidike në proteinën-Spike te virusit, të cilët kanë të bëjnë teorikisht me rritjen e transmetimit, evazionin imun, efekshmërinë e vaksinave dhe rezistencën terapeutike. Gjithsesi nuk ka akoma një korrelacion zyrtar eksperimental i këtyre mutacioneve me karakteristikat e variantit te ri.
Ky Variant u zbulua për here të parë ne Botswana me 11 Nentor dhe 3 dite me pas u evidentua dhe ne Afrikën e Jugut. Sipas konferencës për shtyp te ministrit te Shëndetësisë te Afrikës se Jugut me date 24.11.2021 u detektua variant i ri i SARS-CoV-2 qe u be shkaktari i rritjes se numrit te të infektuarve ne provincën e Gauteng ne Afrikën e Jugut. Deri tani janë te identifikuar rreth 77 raste ne këtë Province ku Ben pjese dhe Johannisburg dhe Pretoria.
Ne Hongkong u evidentua tek një 36-vjeçar qe u kthye nga Afrika e Jugut ,ku ne aeroport rezultoi testi PCR fillimisht negativ dhe përsëritja e testit ne karantine rezultoi pozitiv. Ky variant është identifikuar dhe ne Izrael ( Personi i kthyer nga Malawi).
Ne Evrope u detektua rasti i pare me këtë variant ne Belgjike. Shtetet e ndryshme kane kufizuar linjat ajrore me shume shtete afrikane.
Studimet eksperimentale janë ne vazhdim dhe ku do përcaktohet me sakte karakteristikat e këtij varianti dhe rrezikshmëria e tij ne këtë Pandemi. OBSH do deklaroi ne vazhdimësi informacione te mëtejshme ne lidhje me klasifikimin e variantit te ri”, shkruan mjeku Çupi.
