Ministria e Drejtësisë i bën thirrje qytetarëve, të rinjve e të rejave si dhe ekspertëve e profesionistëve të aplikojnë për postin e koordinatorit në Drejtorinë Antikorrupsion.
Ministria thotë në një njoftim zyrtar se beteja kundër korrupsionit nuk do të jetë e lehtë, por me mbështetjen e qeverisë do të ndëshkohet çdo zyrtar që përfiton në mënyrë të pandershme.
Njoftimi i plotë:
Të rinj, të reja, ekspertë, profesionistë të drejtësisë dhe korrektësisë ndaj qytetarit: APLIKONI për të qenë pjesë e luftës kundër korrupsionit si koordinatorë të Drejtorisë Antikorrupsion në Ministrinë e Drejtësisë.
Nuk do të jetë luftë e lehtë, por bashkë me ju si koordinatorë, bashkë me njerëzit e zakonshëm dhe me mbështetjen e fortë të qeverisë, do të ndëshkojmë çdo zyrtar, që pushtetin e përdor për përfitime të pandershme e të paligjshme, duke na armiqësuar me qytetarët. Nuk ka kompromis!
