Hapet për qarkullimin e automjeteve një tjetër segment i Unazës së Madhe të Tiranës.
Duke nisur nga mesnata e sotme, segmenti që nis nga Mbikalimi i Farkës deri tek Materniteti i Ri do të jetë i aksesueshëm për të gjitha drejtuesit e automjeteve.
Ministrja e Infrastrukturës, Belinda Balluku tha se në këtë mënyrë lehtësohet lëvizja në këtë zonë të kryeqytetit.
Ndërkohë ministrja njofton se po vazhdojnë punimet me ritme të larta në lotet e tjera të kësaj vepre të rëndësishme për kryeqytetin.
