1110 gjoba janë vënë në mbarë vendin nga Policia Rrugore për shkelje të ndryshme.
Një pjesë e shkeljeve janë kapur nga makina inteligjente që ka ardhur në vend pak ditë më parë. Ajo është përdorur në rrugën Sauk-Teg si dhe në rrugët e kryeqytetit.
Shkeljet për të cilat janë vënë gjobat janë shpejtësi tej normave të lejuara, përdorim celulari në drejtimin e mjetit e mosvënie e rripit të sigurisë.
Po kështu në kontrollet e policisë janë përdorur dronë, radar, mjete pa shenja dalluese të policisë, kamera, aparate fotografike e mjete për testimin e alkoolit.
