Partia Demokratike ka depozituar zyrtarisht në Kuvend propozimet e saj për të ndryshuar Reformën Territoriale.
Në draftin e propozimeve të siguruar nga Klan News, PD kërkon që në Kushtetutë të përcaktohet se njësitë e qeverisjes vendore janë komunat, bashkitë dhe qarqet, ndërsa njësitë e tjera të qeverisjes vendore rregullohen me ligj.
Sipas propozimit të PD kërkohet rikthimi i komunave, të cilat do të kenë në juridiksion vetëm territore rurale.
“Komuna dhe bashkia janë njësi bazë të qeverisjes vendore. Komunat përfshijnë vetëm territore rurale, ndërsa bashkitë përfshijnë kryesisht territore urbane dhe vetëm pjesërisht territore rurale. Ato kryejnë të gjitha detyrat vetëqeverisëse, me përjashtim të atyre që me ligj u jepen njësive të tjera të qeverisjes vendore”, citohet në draftin e depozituar nga PD në Kuvend.
