Detaje të reja kanë dalë në dritë nga ngjarja e ndodhur në “Astir”, ku një apartament u përfshi nga flakët. Në apartament jetonte nëna me djalin, të cilët u hodhën nga kati i tretë. Fatkeqësisht 62-vjeçarja ka ndërruar jetë, ndërsa djali ndodhet në spital.
Bëhet me dije nga një fqinje, se gruaja doli nga banesa, por u kthye sërish për të marrë djalin. Fqinja tha se u kthye menjëherë sapo pa që djali nuk kishte dalë jashtë.
Fqinja tha:
“Ka dalë dhe ka hyrë që të marrë djalin. Djalin nuk donte që të dilte nga banesa se kishte frikë nga policia. Kishte hapur derën… Është kthyer për të marrë djalin e mbuloi flaka dhe tymi. Kemi njoftuar policinë erdhën shpejt, zjarrfikësja vonoi pak. Mua më është dëmtuar vetëm dera. Ajo punonte”.
