14 tetor 2014 të gjithë shqiptarët e mbajnë mend këtë datë të rëndësishme për Shqipërinë.
Pikërisht në këtë datë është luajtur sfida e shumë komentuar për shkak të tensionit të lartë që ndodhi në ndeshjen Serbi-Shqipëri.
Janë bërë 7 vite sot kur në këtë ndeshje fluturoi lart mbi Beograd flamuri me “Hartën e madhe të Shqipërisë, figurat e Ismail Qemalit dhe Isa Boletinit”.
Shqipëria e fitoi këtë ndeshje 3-0 në tavolinë kundër Serbisë, nga ku përjetoi për herë të parë emocionet e europianit, “Euro 2016”.
Autori i kësaj vepre ishte Ismail Morina i njohur tashmë nga gjithë shqiptarët anembanë botës me emrin “Ballist”.
Në këtë 7 vjetor nuk kishte si të mungonte një reagim nga Ballisti. Morina nuk ka nguruar që këtë përvjetor t’ia kushtojë Policisë së Kosovës, që ditën e fundit ka qenë aktive në shumë aksione.
“Gëzuar ditën e AUTOCHTHONOUS!” Ky përvjetor i dedikohet profesionalizmit të Policisë se Kosovës”, shkruan Ballist Morina në rrjetet sociale.
Kujtojmë se Ismaili ka pasur vazhdimisht probleme me aktakuzën që i ka shpallur shteti serb për këtë ngjarje, që për shqiptarët është historike.
