Nuk është Tirana, por Gjirokastra, qarku me mbulesën më të mirë vaksinale në Shqipëri. Në mbledhjen e Komitetit Teknik të Ekspertëve, u njoftua se Gjirokastra ndiqet nga Delvina, Puka e Tropoja. Flitet për një rritje të rasteve aktive në vendin tonë me Covid, duke bërë që të rritet edhe numri i Bashkive të prekura, konkretisht 51. Sa i përket vaksinimit ekspertët thanë se në total 33 % e popullsisë shqiptare është vaksinuar me të dy dozat anti-Covid.
Ndërkaq, drejtoresha e ISHP Albana Fico tregoi:
“Totali i rasteve aktive ka pësuar një rritje. Numri i Bashkive të prekura është 51, ka pësuar një rritje, % e rasteve të reja ku 52% femra dhe 48 meshkuj. Moshat e prekura 65-74 vjeç, të ndjekur nga 55-64. 33% të vaksinuar me dy doza, po vijojnë vaksinimet në qendrat e vaksinimit dhe akoma jemi në muajin e hapur të vaksinimit masiv, ky muaj bëhet më i rëndësishëm se përkon me hapjen e shkollave”.
