Modelja Irina Shayk ka shkëlqyer në fotosesionin e ri për Highsnobiety’s të edicionit inaugurues të “Highstyle”. Në fotosesionin e ri modelja e famshme ka mahnitur në një numër pozash provokuese, të cilat tregojnë pse ajo ka qenë ndër top modelet më të suksesshme për më shumë se një dekadë, shkruan “DailyMail”.
Modelja shihet gjithashtu e veshur me çizme me rripa, të larta deri në gjunjë, me një fustan ngjyrë kafe, ndërsa në një tjetër ajo ulet mbi një makinë sportive portokalli ndërsa shihet me veshjen po ashtu ngjyrë portokalli, të kombinuar me të kuqe dhe të zezë.
E teksa në intervistën e bashkangjitur, Shayk flet hapur dhe tregon për fëmijërinë në Rusi, amësinë, paraqitjen e saj të suksesshme me “Sports Illustrated” dhe jetën e saj private, përfshirë ish-partnerin Bradley Cooper dhe thashethemet e saj në lidhje me reperin, Kanye West.
“Do të ketë thashetheme ditë pas dite se kush është i dashuri im i radhës , patjetër që do të ketë gjithmonë zëra dhe unë po e mbaj për vete”, u shpreh modelja kur u pyet për lidhjen e saj të përfolur me Kanye West në Francë qershorin e kaluar.Romanca e saj me fituesin e “Grammy” thuhet se zgjati rreth një muaj.
