Një shqiptare ka fituar çmimin e Fondacionit Louis Vuitton për stilistët e rinj për edicionin 2021.
Ajo është Nensi Dojaka, një stiliste shqiptare e lindur në Tiranë, e cila ka përfunduar studimet në Londër ku dhe jeton.
Në këtë kompeticion merrnin pjesë 1900 aplikantë nga 110 vende të ndryshme të botës. Nensi Dojaka fitoi çmimin e madh prej 300 mijë Eurosh dhe një vit trajnim nga LVMH Moët Hennessy Louis Vuitton.
Fituesen e këtij edicioni e ka përshëndetur dhe Kryeministri Edi Rama, i cili përmes një statusi në Facebook ka shkruar: “Nensi Dojaka fituese e çmimit prestigjioz të Fondacionit Louis Vuitton për stilistët e rinj. Çfarë talenti, çfarë krenarie”.
