Ndahet nga jeta Kujtim Alija, Mjeshtri i Madh i muzikës, dirigjenti, pedagogu, simboli i festivaleve të këngës për fëmijë. Lajmin e ka dhënë kryebashkiakja e Shkodrës, Voltana Ademi.
“Dita e sotme ka nisur me një lajm shumë të trishtë! Mjeshtri i Madh Kujtim Alija është ndarë nga jeta!
Një humbje e jashtëzakonshme për artin e kulturën shqiptare, për Shkodrën e Shqipërinë. Nuk gjej fjalë për të përshkruar këtë ikje shumë të parakohshme të nêsuesit tim, të mësuesit të të gjithë fëmijëve, të mjeshtrit të madh Profesor Kujtim Alija.
Pushofsh në paqe Mjeshtër i Madh, ngushëllime familjes Alija për këtë humbje shumë të madhe”, shkruan Ademi.
