Ritmet e rritjes së numrit të të infektuarve me mutacionin Delta pritet të sjellin valën e katërt të epidemisë në Shqipëri.
Zv.ministrja e Shëndetësisë, Eugena Tomini bën thirrje për t’u vaksinuar ndërkohë që thotë se janë gati skenarët e mundshme në varësi të situatës.
Parashikohet valë tjetër pasi kemi ende individë të pavaksinuar. Kemi individë që nuk e kanë kaluar Covid-19, kështu që një valë tjetër pritet me një tendencë në rritje. Po gjithsesi duhet të vijohet e respektimin e masave dhe me vijimin e vaksinimit masiv”, tha ajo.
Por pak javë na ndajnë nga fillimi i vitit të ri shkollor. Zv.ministrja Tomini thotë se s’do të fillohet më mësim në klasë, por askush nuk ka siguri se çfarë mund të shkaktojë vala e shtatorit.
“Ne parashikojmë një vaksinim masiv +18. Ndërkohë që do të rishikohet dhe të shihen mundësitë për çdo skenar të mundshëm për fillimin e shkollës, megjithëse këtë vit fillon më herët”.
E pyetur nëse Shqipëria do të fillojë këtë verë në zbatim rregullat e tilla si Italia, e cila pak a shumë e ka kthyer të detyrueshëm vaksinën duke mos lejuar përdorimin e minibareve dhe restoranteve, transportin publik nga personat e pavaksinuar Tomini përgjigjet:
“Deri në këto momente, Komiteti i Ekspertëve nuk ka dhënë rekomandime sa i takon vaksinimit të detyruar, ndaj vijojmë me thirrjet për vaksinimin masiv”.
Tomini gjithsesi shprehet se nuk pritet e njëjta situatë me shtatorin e kaluar edhe pse do të ketë rritjet e rasteve të infektuara.
