25.5 C
Tirana
Tuesday, August 3, 2021
spot_img

Manastirliu: Të hënën nis java e vaksinimit të hapur për qytetarët +18 vjeç

Ministrja e Shëndetësisë, Ogerta Manastirliu nga stadiumi “Air Albania”, ku ka ndjekur procesin e vaksinimit, deklaroi se të hënën do të nisë nis java e vaksinimit të hapur për të gjithë qytetarët mbi 18 vjeç.

“Pas mbërritjes së 340,000 dozave të vaksinave, kemi vendosur të kthejmë sërish ditët e hapura të vaksinimit, sipas planit të vaksinimit dhe rekomandimeve të ekspertëve të shëndetit publik. Do të jenë datat, nga dita e hënë e javës që hyjmë, deri në datë 25 korrik.

Do të jetë java e parë e hapur e vaksinimit për të gjithë qytetarët +18 vjeç, në të gjitha qendrat shëndetësore, në pikat e vaksinimit masiv, duke shkuar edhe derë më derë. Do të jemi në komunitet për të realizuar këtë vaksinim të popullatës +18 vjeç në këtë javë të vaksinimit”, tha Manastirliu.

Ndër të tjera, Manastirliu tha se të hënën do të mbërrijnë dhe rreth 32 mijë doza të vaksinës Pfizer.

“Aktualisht në Shqipëri janë më shumë se 1 milion e 500 mijë doza vaksine të mbërritura. Ndërkohë që të hënën ne presim dhe rreth 32 mijë doza të vaksinës Pfizer, për të vijuar me planin e vaksinimit dhe për ta zgjeruar akoma më tej”, -tha Manastirliu.

Related Articles

Na ndiqni

4,806FansLike
2,883FollowersFollow
0SubscribersSubscribe
- Advertisement -spot_img

Më të fundit