Demosthenes Sarigiannis, profesor në Universitetin ‘Aristoteli’ të Selanikut ka folur ditën e djeshme mbi të dhënat e përhapjes së variantit të ri të Covid. Inxhinieri i Mjedisit ka deklaruar se raportet janë shqetësuese.
Ai shtoi se në fund të korrikut Greqia do ketë një mesatare prej 2,600 rastesh ndërsa në gusht mesatarja do të arrijë rreth 3,430 raste në ditë.
Sipas tij, brenda 15 ditëve do të përhapet shumë shpejt pasi është shumë ngjitës dhe transmetohet në 15 deri në 30 sekonda nga personi në person, për dallim nga forma origjinale e virusit që kërkon 15 minuta.
Greqia po regjistron një rritje të konsiderueshme të rasteve në javët e fundit, në 24 orët e fundit vendi raportoi 1,997 të infektuar.
