Pandemia uli numrin e azilkërkuesve gjatë vitit 2020 në Shqipëri. Sipas INSTAT, vitin që shkoi në Shqipëri u regjistruan 2.232 azilkërkues, duke pësuar rënie me 66,0 %, krahasuar me vitin 2019.
Numrin më të lartë të azilkërkuesve e zënë shtetasit nga Siria dhe Iraku. Janë 876 azilkërkues me origjinë nga Siria dhe 339 nga Iraku.
Nga 2232 azilkërkues në total, 54,4 % janë shtetas nga këto dy vende. Ndërsa pjesa tjetër janë nga Afganistani dhe Maroku.
Sipas të dhënave zyrtare nga INSTAT, piku i aplikimeve të azilkërkuesve shënohet në tremujorin e parë, të cilët përbëjnë 97,7 % të azilkërkuesve gjithsej.
Një muaj përpara se të regjistrohej rasti i parë me Covid, në Shkurt të 2020 në Shqipëri kanë kërkuar azil 995 shtetas.
